غازی آباد کے تھانہ اندرا پورم کے نیتی کھند کے علاقے میں سہ پہر اس وقت افراتفری کی فضا قائم ہو گئی جب پولیس نے ایک ا سپا سنٹرز پر چھاپہ مارا ۔ جے پوریا سن رائز پلازہ کے گرین ایس ڈی کے نمبر تین دکان میں چھاپہ ماری کے دوران متعدد لڑکیاں قابل اعتراض حالت میں بھاگتی نظر آئیں۔
اسپا سینٹر پر پولیس کی چھاپے ماری
غازی آباد میں اسپا سینٹر پر پولیس کے چھاپے ماری کے دوران قابل اعتراض حالت میں متعدد افراد کوگرفتارکرلیا گیا۔
پولیس کے مطابق متعدد لڑکیوں اور نوجوانوں کو قابل اعتراض حالت میں یہاں سے گرفتار کیا گیا ہے۔ پولیس اس کے مالک کو بھی گرفتار کرنے میں کامیاب رہی ہے۔
موصولہ اطلاع کے مطابق پولیس نے دو اسپا سنٹرز میں ریڈ ڈالا۔ لڑکے اور لڑکیاں ریڈ پڑتے ہی پولیس کی گرفت سے فرار ہونے کی کوشش کرنے لگے ۔جس سے کچھ دیر کے لئے افراتفری کا ماحول پیدا ہوگیا۔واضح رہے کہ گزشتہ کچھ عرصے سے ، دہلی سمیت پورے این سی آر میں اسپا سنٹرز میں غیر اخلاقی کام جاری رہنے کی وجہ سے پولیس چھاپے مار رہی ہے۔ اس کی وجہ سے ، بہت سے مقامات سے ایسی سرگرمیاں بے نقاب ہو رہی ہیں اور غیر اخلاقی حرکات میں ملوث افراد پکڑے جا رہے ہیں۔