ڈیوٹی پر تعنیات سپاہی نے خودکشی کی

کانپور میں سپاہی کی خودکشی کے بعد اس کی اہلیہ نے بھی تیسری منزل سے کود کر خودکشی کی کوشش کی، حلانکہ اس کی حالت اب بھی نازک بنی ہوئی ہے۔

ریاست اترپردیش کے شہر کانپور می جیل میں حفاظتی انتظام کی ذمہ داری پر تعینات سپاہی نے زہر کھاکر خودکشی کرلی ہے۔

خیال رہے کہ سپاہی کی موت کی اطلاع جب اس کی اہلیہ کو ہوئی تو اس نے بھی تیسری منزل سے کود کر خودکشی کرنے کی کوشش کی، سپاہی کی اہلیہ کو کانپور کے ہیلیٹ ہسپتال میں داخل کرایا گیا ہے جہاں اس کی حالت نازک بنی ہوئی ہے۔

فرخ آباد ضلع کے کاس گنج کے رہنے والے جسویر شاکیہ سنہ 2005 بیچ کا سپاہی تھا جو جوہی تھانے میں تعینات تھا۔ سپاہی جسویر شاکیہ کی ڈیوٹی جیل کے حفاظتی انتظام میں متعین تھی۔

واضح رہے کہ وہ اپنی اہلیہ اور پانچ برس کے بیٹے انس کے ساتھ گووند نگر کی کینال کالونی میں رہتے تھے۔ انہوں نے دو دسمبر کو زہرکھا لیا تھا جس کے بعد سے وہ ہسپتال میں علاج کے لیے بھرتی تھے، اور آج علاج کے دوران ان کی موت ہوگئی۔

شوہر کی موت کی خبر سنتے ہی ان کی اہلیہ اس صدمے کو برداشت نہ کرسکی اور اس نے تیسری منزل سے جاکر نیچے چھلانگ لگادی۔

خیال رہے کہ اہلیہ کی حالت انتہائی نازک بنی ہوئی ہے، جسے کانپور کے ضلع ہسپتال ہیلٹ میں بھرتی کرایا گیا ہے۔ سپاہی جسو یر شاکیہ نے کن وجوہات کی بنا پر زہر کھایا تھا اس کی جانکاری کسی کو نہیں ہے۔

پولیس نے جسویرکی لاش کو پوسٹ مارٹم کے لیے بھیج دیا ہے، اور اس کی موت کی اطلاع اس کے اہل خانہ کو دے دی ہے۔

سپاہی جسویر شاکِیہ نے زہر کن وجوہات کی سبب پر کھایا ہے اس کا پتہ نہیں چل سکا ہے۔ سپاہی کی اہلیہ کی حالت بھی انتہائی نازک ہے اس لیے ابھی یہ بتا پانا بے حد مشکل ہے کہ سپاہی نے آخر زہر کیوں کھایا۔

ایسا خیال کیا جارہا ہے کہ سپاہی کے گھر میں کوئی آپسی تضاد تھا، جس کی وجہ سے وہ بہت پریشان رہتا تھا، اور آخرکار اس نے ڈیوٹی کے دوران ہی زہر کھاکر خودکشی کرلی۔

پولیس نے اس معاملے میں مقدمہ درج کرکے آگے کی تحقیق شروع کردی ہے۔