اعظم خاں کے قریبی افراد کے خلاف چارج شیٹ داخل

اعظم خاں کے قریبیوں کے خلاف آج رامپور پولیس نے 4 معاملوں میں چارج شیٹ داخل کی ہے۔

ریاست اترپردیش کے ضلع رامپور کے رکن پارلیمان اعظم خاں کے قریبیوں کے خلاف آج رامپور پولیس نے 4 معاملوں میں عدالت میں چارج شیٹ داخل کی ہے۔ یہ چارج شیٹ پہلے سے جیل میں قید چھ لوگوں کے خلاف داخل کی گئی ہے۔

ان چھ افراد پر الزام ہے کہ سماجوادی حکومت میں اعظم خاں کے وزیر رہتے ان لوگوں نے اعظم خاں کے اشارے پر رامپور کے ڈونگر پور میں واقع آسرا کالونی کی خالی پڑی زمین پر رہنے والے لوگوں کے کچھ مکان جبراً خالی کرائے تھے اور ان سے لوٹ پاٹ و مار پیٹ بھی کی تھی۔

ان ملزمان کے خلاف رامپور کے تھانہ گنج میں سال 2019 میں مقدمے دائر کرائے گئے تھے۔ پولیس کا کہنا ہے کہ آج ثبوتوں کی بنیاد پر عدالت میں ان چھ ملزمان کے خلاف چارج شیٹ داخل کی گئی ہے۔ جن کے نام ذیل میں ہیں۔

1. فصاحت خان عرف شانو، سابق میڈیا انچار اعظم خاں
2. شاہزیب خاں ولد مننا خاں
3. رانو خاں عرف شاہ نبی
4. عبدللہ پرویز شمسی
5. برکت علی ٹھیکیدار عرف فقیر محمد
6. مسعود علی خاں عرف گڈو