شراب کے ذریعے رائے دہندگان کو ورغلانے کی کوشش ناکام

شراب کے ذریعے ووٹرز کو اپنی جانب راغب کرنے کا سلسلہ پرانا رہا ہے۔ اسی کے پیش نظر پولیس نے غیر جانبدارانہ انتخابات کے انعقاد کے لیے ناجائز شراب کے خلاف خصوصی مہم شروع کی ہے۔

اس مہم کے تحت پولیس نے بارہ بنکی میں ضلع کے 15 تھانوں سے 1016 لیٹر ناجائز کچی شراب برامد کر کے 22 لوگوں کو گرفتار کیا ہے اور تین شراب کی بھٹیاں بھی منہدم کردی ہیں۔

ایڈشنل ایس پی نارتھ آر ایس گوتم کا کہنا تھا کہ 'ناجائز شراب کے خلاف یہ مہم آگے بھی جاری رہے گی'۔

آپ کو بتا دیں کہ پولس نے سب سے َزیادہ 150 لیٹر شراب مسولی تھانہ سے برآمد کی ہے۔