وزیر اعظم نریندر مودی اترپردیش کے شہر بنارس پہنچ گئے ہیں۔ بنارس کی مشہور تہوار دیو دیپاولی میں آج وزیر اعلی یوگی آدیتہ ناتھ و وزیر اعظم نریندر مودی شرکت کریں گے۔ اسی کے پیش نظر بنارس کے بنکروں کے مختلف رہنماؤں کو گھر میں نظر بند کیا گیا ہے اور کچھ لوگوں کو تھانے میں حراست میں رکھا گیا ہے۔
وزیر اعظم کا بنارس دورہ: مختلف بنکر رہنما حراست میں لیے گئے بنکر ساجھا منچ کے اہم ذمہ دار فضل الرحمان کو آج صبح جیت پورہ تھانہ کی پولیس نے گھر میں نظر بند کر دیا ہے۔ وہیں، بنکر ساجھا منچ کے دوسرے اہم ذمہ دار منیش شرما کو چیت گنج تھانہ پولیس نے تھانہ میں حراست میں لیا ہے۔
وزیر اعظم کا بنارس دورہ: مختلف بنکر رہنما حراست میں لیے گئے وہیں، کونسلر رمضان علی اور بنکر دستکار ادھیکار منچ کے صدر ادریس انصاری کو پولیس نے ان کے گھر میں نظر بند کیا ہے۔
آپ کو بتا دیں کہ یہ سبھی افراد حالیہ دنوں میں بنکر کے مسائل پر حکومت کے خلاف احتجاج و مظاہرہ کر چکے ہیں اور بنکروں کی لڑائی میں پیش پیش رہے ہیں۔
وزیر اعظم کا بنارس دورہ: مختلف بنکر رہنما حراست میں لیے گئے اطلاعات کے مطابق، بنارس کے مختلف رہنماؤں کو حراست میں لیا گیا ہے تاکہ وزیر اعظم نریندر مودی کو کسی قسم کے احتجاج کا سامنا نہ کرنا پڑے۔ فی الحال وزیر اعظم بنارس پہنچ چکے ہیں اور وزیر اعلی یوگی آدتیہ ناتھ نے ان کا بابت پور ائیرپورٹ پر استقبال کیا۔
