اتر پردیش کے مرادآباد اسمبلی بلاری سے سماج وادی پارٹی کے ایم ایل اے محمد فہیم کے خلاف تھانہ بلاری کے گاؤں ابراہیم پور کے پردھان ساجد علی نے ایم پی/ ایم ایل اے کورٹ میں عرضی داخل کر رکن اسمبلی محمد فہیم کے خلاف سخت کاروائی کرنے کی درخواست کی۔ Petition Filled in Court against MLA
تھانہ بلاری گاؤں ابراہیم پور کے پردھان ساجد علی نے میڈیا سے بات چیت کرتے ہوئے محمد فہیم پر الزام لگایا کہ انہوں نے اپنے ساتھیوں کے ساتھ مل کر گاؤں میں چل رہی راشن کوٹھے کی دکان چلانے والوں کے ساتھ بدسلوکی کی ہے اس معاملے میں گزشتہ دنوں میں تقریبا سات لوگوں کے خلاف تھانہ بلاری میں مقدمہ درج ہوا تھا اور اب اس معاملے کے سمجھوتے کے لیے ایم ایل اے محمد فہیم نے ان پر دباو ڈال رہے ہیں۔
گرام پردھان ساجد علی نےکہا 'ہم نےایم ایل اے محمد فہیم کے خلاف کورٹ میں عرضی داخل کی ہے اور اس کو کورٹ نے قبول کرتے ہوئے اس معاملے کی سنوائی کی تاریخ 13 جولائی کو رکھی ہے۔' وکیل فصیح اللہ خان نے کہا کہ اس پورے معاملے کی سنوائی 13 جولائی کو ہونی ہے رکن اسمبلی محمد فہیم پر الزام ہے کی انہوں نے اپنے ساتھیوں کے ساتھ مل کر راشن کوٹے کی دکان کو چلانے والے کے ساتھ مارپیٹ کرنے والوں کو اکسایا ہے ان کے خلاف دفعہ340 کا مقدمہ کورٹ میں دائر کیا گیا ہے۔