Meerut People Suffering Due to Inflation: میرٹھ میں مہنگائی سے عوام پریشان

پٹرول ڈیزل اور گیس کی قیمتوں میں ہو رہے غیر معمولی اضافے کا اثر اب میرٹھ کے بازاروں میں بکنے والی روز مرہ کی اشیا پر بھی دکھائی دے رہا ہے، خاص طور پر رمضان المبارک اور نو راتر پر استعمال ہونے والے پھل اور سبزیوں کی قیمتیں آسمان چھو رہی ہیں۔ ایسے میں اب روزے دار حکومت سے مہنگائی پر قابو کرنے کی اپیل کر رہے ہیں۔Meerut People Suffering Due to Inflation

اسمبلی انتخابات 2022 کے بعد تیل کی قیمتوں میں مسلسل اضافہ کا اثر اب تہواروں پر بھی دکھائی دے رہا ہے۔ نوراتر میں اپواس اور رمضان المبارک میں روزے داروں کے لیے افطار میں استعمال ہونے والے پھلوں کی بڑھی قیمتوں سے مشکل حالات کا سامنا کرنا پڑ رہا ہے۔ میرٹھ کی اگر بات کرے تو یہاں کے بازاروں میں کیلا پپیتا انگور جیسے پھل کی قیمتیں آسمان چھو رہی ہیں۔ Meerut People Suffering Due to Inflation

اس کی وجہ سے لوگ اب ایک کلو کی جگہ آدھا کلو ہی خرید رہے ہیں تاکہ افطار کی ضرورت کو پورا کیا جا سکے۔ اس کے علاوہ سبزی کی قیمتوں میں اضافے سے عقیدت مند مختصر خریداری کررہے ہیں۔ ان کا ماننا ہے کہ اگر حکومت تیل کی قیمتیں کم کرے تو ہی مہنگائی پر قابو پایا جا سکتا ہے۔

کھجور کی دکان

تیل کی قیمتوں میں ہو رہے غیر معمولی اضافے سے رمضان المبارک اور نو راتر میں اپواس رکھنے والے عقیدت مندوں کے لیے مشکلات پیدا کر دی ہے۔ ضرورت ہے ان تہواروں میں زیادہ استعمال ہونے والے پھلوں اور سبزیوں کی قیمت پر حکومت کو کنٹرول کرنے کی، تاکہ عقیدت مند ان تہواروں میں پر سکون طریقے سے اپنی عبادتوں کو پورا کر سکیں۔