عوام کا الیکشن کمیشن سے بھروسہ اٹھ چکا ہے: کانگریس

عام انتخابات 2019 کے نتائج سے قبل جس طرح سے ایگزٹ پول کے رجحانات سامنے آرہے ہیں، اس سے تمام اپوزیشن جماعتوں میں ہلچل پیدا ہو گئی ہے۔

اتر پردیش کانگریس کے ریاستی ترجمان ڈاکٹر اتل پٹیل نے ای ٹی وی بھارت سے بات چیت کے دوران کہا کہ ملک کی عوام کا بھروسہ الیکشن کمیشن اور ای وی ایم مشین پر سے اٹھتا جا رہا ہے، اس سے کمیشن کو چاہیے کہ اس پر جلد سے جلد فیصلہ لے کر عوام کا بھروسہ دوبارہ قائم کرنے کا کام کرے۔

کانگریسی ترجمان ڈاکٹر اتل پٹیل نے کہا کہ بھلے ہی الیکشن کمیشن یہ کہہ رہا ہو کہ ای وی ایم مشین میں کوئی چھیڑخانی یا ردوبدل نہیں ہوسکتا، لیکن جس طرح سے اپوزیشن کی 21 سیاسی جماعتوں نے الیکشن کمیشن سے ملاقات کرکے مطالبہ کیا ہے کہ ای وی ایم اور وی وی پیٹ کی پرچی کا 50 فیصد ملان ہونا چاہیے۔

کانگریس پارٹی کا کہنا ہے کہ ملک میں جمہوریت اور عوام کا بھروسہ قائم کرنے کے لیے الیکشن کمیشن کو وی وی پیٹ اور ای وی ایم کا 50 فیصد ملان یقینی بنانا چاہیے۔