کورونا سے بچاؤ کے لئے عوام ویکسین ضرور لیں: نعیم چشتی

ملک بھر میں کورونا سے بچاؤ کے لئے ویکسینیشن لگائے جارہے ہیں۔ اس سمت میں مرادآباد کے آل انڈیا خانقاہ ایکتا مشن کے جنرل سکریٹری نعیم چشتی نے نمائندہ ای ٹی وی سے بات کرتے ہوئے عوام الناس سے کہا کہ وہ کورونا سے بچاؤ کے لئے ویکسین ضرور لگوائیں۔

ملک بھر میں کورونا وائرس بیماری سے نجات پانے کے لیے حکومت کی جانب سے ہر شہر اور جگہ جگہ ویکسینیشن لگائے جانے کا کام جاری ہے۔ مرادآباد میں مذہبی رہنما لوگوں سے اپیل کر رہے ہیں کہ وہ کورونا وبا سے بچاؤ کے لئے ویکسین ضرور لگوائیں۔

آل انڈیا خانقاہ ایکتا مشن کے جنرل سیکرٹری اور مرادآباد درگاہ سلطان صاحب کے سجادہ نشین نعیم چشتی نے ای ٹی وی بھارت سے بات چیت کرتے ہوئے لوگوں سے اپیل کی ہے کہ سبھی لوگ زیادہ سے زیادہ کورونا ویکسین لگوائیں اور کورونا وائرس بیماری سے نجات پائیں۔ کورونا ویکسین کی حیثیت ایک دوائی کی حیثیت ہے جس طرح سے ہم جب بیمار ہوتے ہیں تو ہم دوائی انجکشن لیتے ہیں اسی طرح سے کورونا ویکسین ایک دوائی ہے۔

انہوں نے مزید کہا کہ آل انڈیا خانقاہ ایکتا مشن لوگوں سے اپیل کرتا ہے کہ کورونا ویکسین لگواکر ملک سے کورونا وائرس بیماری سے نجات دلائیں۔