سمینار سے خطاب کرتے ہوئے قمر فاؤنڈیشن کے کنوینر مولانا معراج احمد قمر نے اپنے خیالات کا اظہار کرتے ہوئے کہا کہ بھارت کو غلامی سے آزاد کرانے میں نیتا جی سبھاش چندر بوس کا سب سے اہم کردار رہا ہے. آزاد ہند فوج کا قیام کر کے انہوں نے انگریزوں کو زبردست ٹکر دی. ایسے عظیم مجاہد آزادی کے نقش قدم پر چلتے ہوئے ہر ہندوستانیوں کی ذمہ داری ہے کہ وہ ملک کی حفاظت کے لئے تیار رہے اور ملک کی یکجہتی سالمیت اور بھائی چارہ بنائے رکھنا ہی ملک کے عظیم شخصیات کو سچی خراج عقیدت ہے.
حب الوطنی اور خدمت خلق ہی اسلام کا سب سے بڑا پیغام : معراج قمر - اتر پردیش ای ٹی وی بھارت خبر
ریاست اتر پردیش کے ضلع بارہ بنکی کے بھٹوامؤ میں سنیچر کو نیتا جی سبھاش چندر بوس کی سالگرہ پر سیمنار کا انعقاد کیا گیا. سماجی تنظیم قمر فاؤنڈیشن کی جانب سے مدرسہ قمرالعلوم رمضانیہ میں منعقدہ سیمنار میں نیتا جی کی شخصیت، افکار اور ضار حائے نمایاں پر تفصیل سے روشنی ڈالی اور ان کے بتائے راستے پر چلنے کا عزم لیا.
حب الوطنی اور خدمت خلق ہی اسلام کا سب سے بڑا پیغام
انہوں نے فرقہ وارانہ ہم آہنگی پر زور دیتے ہوئے کہا کہ رسول اسلام کی زندگی اور ان کے خیالات کو پڑھنے سے پتا چلتا ہے کہ خدمت خلق اسلام کا سب سے اہم پیغام ہے. اسلئے ہم پر فرض ہے کہ ہم اپنے ملک کی حفاظت کریں.
سیمنار سے خطاب کرتے ہوئے حافظ عبدالحئی نے کہا کہ آج ہمارے ملک کے سامنے تمام بڑے چیلینجیز ہیں. پڑوسی ملکوں کی وجہ سے ہماری یکجہتی اور سالمیت خطرے میں ہے. ایسے میں سب کو ملکر امن و امان اور محبت کے لئے کام کرنا چاہیے. اس موقع بیلہرہ کے صحافی غظمت علی کو قمر امن ایوارڈ سے سرفراز بھی کیا گیا.