علیگڑھ: خواب اسمارٹ سٹی کے، حقیقت پانی میں

ریاست اترپردیش کے ضلع علی گڑھ کو اسمارٹ سٹی بنانے کے علی گڑھ انتظامیہ اور نگر نگم کے دعوے کھوکھلے ثابت ہو رہے ہیں۔

علی گڑھ کو اسمارٹ سٹی بنانے کے لیے جہاں خاص چوراہوں پر بڑے بڑے سی سی ٹی وی کیمرے پر پول لگائے جارہے ہیں، وہی خاص سڑک پر بنا بارش کی ضرورت سے زیاد گندے پانی نے سڑک کو مکمل طور سے بند کر دیا، جس سے لوگوں کو پریشانی کا سامنا کرنا پڑ رہا ہے۔

علی گڑھ انوپ شہر روڈ، تھانہ سول لائن یونیورسٹی پرانی چونگی گیٹ سے لے کر جمال پور تک کی ڈبل سڑک پر ایک طرف بنا بارش کے نالے کا پانی سڑک پر بھر گیا ہے۔

گندے پانی، ملویں، پودوں نے سڑک کا ایک حصہ مکمل طور سے بند کر دیا ہے۔ تقریباً دو سال سے بند پڑے اس راستے سے لوگوں کو آنے جانے میں خاصی پریشانی کا سامنا کرنا پڑ رہا ہے اور روزآنہ تقریباً آٹھ سے دس حادثے بھی پیش آتے ہیں۔

لاکھ کوششوں اور درخواستوں کے باوجود بھی علی نگر نگم کے کان پر جوں تک نہیں رینگ رہی۔ اسی روڈ پر یونیورسٹی کیمپس، طلبہ کے 2 رہائشی ہال، میئر، ایس ایس پی، ڈی ایم رہائش اور دفتر بھی موجود ہیں۔

یونیورسٹی کے طلباء رہنما شفیق الرحمن خان نے بتایا، 'اس راستے میں پچھلے ڈیڑھ دو سال سے پانی بھرا رہتا ہے، پیڑ پودے اگائے ہیں اور یہ انوپ شہر جاکر ملتا ہے۔

یہاں سے تقریباً پانچ سو میٹر کی دوری پر علی گڑھ میئر کا گھر ہے نگر نگم ہے۔ ہم نے کئی بار درخواست دی لیکن کوئی ایکشن نہیں۔

یہ بہت بڑا معاملہ ہے یہ روڈ ہمیشہ چلتا رہتا ہے، ایک طرف کا روڈ بند ہو گیا ہے۔ کئی حادثے یہاں ہوتے رہتے ہیں اس کی ذمہ داری علی گڑھ نگر نگم، میئر اور ڈی ایم صاحب کی ہے۔

ڈی ایم صاحب ساری چیزیں اچھی کر کے عوام کو اچھا اور صاف ماحول مہیا کرائیں۔'

شفیق الرحمن نے مزید کہا، 'یہ کہتے ہیں علیگڑھ اسمارٹ سٹی ہے۔ میں نہیں سمجھتا ہوں، علی گڑھ اسمارٹ سٹی ہے علی گڑھ سے زیادہ گندا شہر آج تک مجھ کو ملا ہی نہیں۔'

وہیں وقار الملک طلبہ رہائشی ہال کے ملازمین نے بتایا، 'ہم جب بھی علی گڑھ میئر صاحب کے پاس گئے تو انہوں نے مکانات کا ملبہ ڈلوا دیا، جس سے یہاں کے حالات اور خراب ہو جاتے ہیں۔ روزانہ یہاں پر حادثہ پیش آتے ہیں، کئی مرتبہ ہم لوگوں کی مدد کرتے ہیں، لوگوں کے ہاتھ پیر بھی ٹوٹے ہیں۔

کئی مرتبہ اس کی شکایت بھی کی نگر نگم سے لیکن کوئی بھی ایکشن نہیں لیا گیا کوئی نہیں سنتا۔'