ریاست اترپردیش کے ڈسٹرکٹ مجسٹریٹ گوتم بودھ نگر سہاس ایل وائی نے اہم ترقیاتی کاموں کا آن لائن جائزہ اجلاس منعقد کرتے ہوئے ہدایت کی کہ تمام افسران اپنے دفاتر میں بیٹھ کر محکمانہ کاموں میں فعالیت لائیں اور دفاتر میں کووڈ ۔19 کا پروٹوکول یقینی بنائیں۔
ڈسٹرکٹ مجسٹریٹ نے یتیم بچوں کے حوالے سے کہا کہ ان کے پروفائل تیار کیے جائیں تاکہ طویل مدتی اور فوری ضرورتوں کی نشاندہی کی جاسکے۔
واضح رہے کہ یہاں 6 ایسے بچے ہیں جن کے والدین فوت ہوچکے ہیں اور 54 ایسے بچے ہیں جن کے ماں یا باپ میں کوئی ایک فوت ہوچکا ہے۔
اجلاس میں ڈویژنل فارسٹ آفیسر کو درخت لگانے کا ہدف 100 فیصد مکمل کرنے کی ہدایت کی گئی۔
ضلعی مجسٹریٹ نے محکمہ زراعت محکمہ آبپاشی بجلی اور ٹیوب ویل کو ہدایت کی کہ وہ خریف میں آبپاشی کے لئے کھاد بیج بجلی کیمیائی کھاد اور پانی کی دستیابی کو ترجیح کی بنیاد پر یقینی بنائیں۔