ریاست اترپردیش کے ضلع کانپور میں پولیس نے ضلع کے نوبستہ تھانہ علاقہ میں آن لائن جسم فروشی کے ریکیٹ کا پردہ فاش کیا ہے۔
پولیس نے اس معاملے میں جسم فروشی ریکیٹ کے سرغنہ سمیت 20 افراد کو گرفتار کیا ہے۔
واضح رہے کہ یہ جسم فروش ریکیٹ سماجی رابطوں کی سائٹ ٹوئٹر اور ویب سائٹ کے ذریعہ چلایا جارہا تھا۔
ضلع کی نوبستا پولیس کا کہنا ہے کہ سماجی رابطوں کی سائٹ پر اشتہار دیکر یہ دھندہ کیا جارہا تھا جس میں پولیس نے نو کال گرلز سمیت 20 افراد کو گرفتار کیا، جس میں اس ریکیٹ میں دہلی، آسام، اور فیض آباد کی خواتین بھی شامل تھیں۔
سائبر سیل کے ذریعہ دیے گئے ٹوئٹر لنک سے اس موبائل نمبر کا سراغ لگایا گیا جس سے ملزم آشیش کمار جسم فروش ریکٹ کا کام کیا کرتا تھا۔
خیال رہے کہ آشیش کے پاس بہت بڑا آن لائن ریکیٹ کا نیٹ ورک ہے۔