نوئیڈا میں کورونا سے ایک کی موت، رینڈم ٹیسٹنگ کا عمل جاری

ضلع میں کورونا کو روکنے کے لئے اندرون شہر اور دہلی کی سرحدوں پر رینڈم ٹیسٹنگ کا عمل اب بھی جاری ہے۔

بڑھتی ہوئی فضائی آلودگی اور اور سردی کی وجہ سے ضلع گوتم بدھ نگر نوئیڈا میں کورونا سے متاثرہ مریضوں کی تعداد بڑھتی جا رہی ہے۔

گزشتہ 24 گھنٹوں میں کورونا سے متاثرہ ایک شخص کی دوران علاج موت ہوگئی ہے اس طرح ضلع میں مرنے والوں کی مجموعی تعداد 75 ہوگئی۔ 137 نئے مریض رجسٹرڈ کئے گئے وہیں 234 مریضوں کو صحت یابی کے بعد مختلف ہسپتالوں سے ڈسچارج کردیا گیا۔

اب بھی ضلع میں 1307 فعال مریض ہیں جن کا مختلف ہسپتالوں میں علاج جاری ہے۔ ضلع میں کورونا کو روکنے کے لئے اندرون شہر اور دہلی کی سرحدوں پر رینڈم ٹیسٹنگ کا عمل اب بھی جاری ہے۔

نوئیڈا میں کورونا سے ایک کی موت، رینڈم ٹیسٹنگ کا عمل جاری

نوئیڈا کے سیکٹر 37 میں واقع بوٹینیکل گارڈن میں بھی 81 لوگوں کی جانچ کی گئی، جس میں پانچ پازیٹیو پائے گئے وہیں دلو پورا بارڈر پر لوگوں کی ٹیسٹنگ میں چار لوگ کورونا پازیٹیو آئے ہیں۔