ریاست اترپردیش کے ضلع سیتاپور میں حکومت کی سختی کے باوجود ضلع میں ملاوٹ والی شراب کا کاروبار بند نہیں ہو رہا ہے۔
ضلع میں زہریلی شراب پینے سے ایک نوجوان کی موت کا واقعہ سامنے آیا ہے جبکہ دوسرے نوجوان کی حالت تشویشناک بتائی جا رہی ہے۔ لواحقین نے نوجوان کو ضلع ہسپتال میں داخل کرایا ہے۔
اہل خانہ کے مطابق راجارام اور اجے بہادر نامی نوجوان دھورےمئو گاؤں میں کچی شراب پینے گئے ہوئے تھے اور جب وہ واپس گھر آئے جس کے بعد ان کی حالت نازک ہو گئی۔
نازک حالت میں اہل خانہ نے دونوں نوجوانوں کو ہسپتال لے جارہے تھے اسی دوران راجارام کی موت ہوگئی۔
یہ معاملہ املیہ سلطان پور تھانہ کے دھورےمئو گاؤں کا ہے۔ پولیس اس معاملے کی تحقیقات کر رہی ہے۔
