ریاست اترپردیش کے شہر نوئیڈا میں آج پولیس اور بدمعاشوں کے مابین تصادم ہوا۔ پولیس کے مطابق صبح کے وقت موٹرسائیکل پر سوار دو بدمعاش ایک شخص سے موبائل فون چھین کر فرار ہو رہے تھے۔
اس کی اطلاع ملنے پر چوکی انچارج اٹا پیر سیکٹر 18 نے ان شر پسندوں کا تعاقب کیا۔جو آگے چل کر تصادم پر ختم ہوا۔
دونوں طرف سے گولیاں چلیں جس میں تری لوک پوری دہلی کے ساجد عرف پووا نامی ایک بدمعاش کو زخمی ہونے کے بعد گرفتار کر لیا گیا ہے۔
ساجد پر این سی آر میں درجنوں مقدمات درج ہیں۔ بدمعاش سے ایک پستول 315 بور اور کارتوس، لوٹ کا موبائل اور یمہا آر ون موٹرسائیکل برآمد ہوئی ہے۔ اس کا ایک ساتھی فرار ہونے میں کامیاب رہا، جس کی پولیس تلاش کر رہی ہے۔