فریقین کے درمیان تنازع میں ایک شخص کا قتل

غازی آباد میں بچوں کے سلسلے میں ہوئے معمولی تنازع میں ایک شخص نے دوسرے کو گولی ماردی۔

ریاست اترپردیش کے ضلع غازی آباد کے لونی علاقے میں دوب فریقین کے درمیان ایک معمولی تنازع میں ایک شخص نے دوسرے کو گولی ماردی جس سے اس کی موت ہوگئی۔

پولیس ذرائع نے بتایا 'لونی علاقے کے آرین نگر میں منگل کی رات تقریبا نو بجے بچوں کے سلسلے میں ہوئےتنازع میں جاوید اور عادل کے درمیان کچھ کہا سنی ہوگئی۔ بات بڑھنے پر عادل نے جاوید کو طمنچے سے گولی ماردی۔ جس سے اس کی موت ہوگئی۔

حادثے کے بعد ملزم وہاں سے فرار ہوگیا۔ اس سلسلے میں معاملہ درج کرایا گیا ہے۔ پولیس ملزمین کو تلاش کررہی ہے۔

غازی آباد میں آئے دن ایسے جرم سامنے آتے رہتے ہیں، پولیس ان واردات پر قابو پانے کے لیے گامزن تو ہے، لیکن زمینی صطح پر آئے دن ایسی وارداتیں سننے اور دیکھنے کو مل رہی ہیں۔