آگرہ کا نام تبدیل کرنے کا منصوبہ

یوگی حکومت نے تاج نگری آگرہ کا نام تبدیل کرکے 'اگروان' رکھنے کا منصوبہ بنایا ہے۔ حکومت نے اس سلسلے میں امبیڈکر یونیورسٹی کے ماہرین سے بھی مشورہ طلب کیا ہے۔

ریاست اترپردیش کے آگرہ شہر میں واقع امبیڈکر یونیورسٹی سے نام کے تاریخی پہلو کو دیکھنے کے لئے کہا گیا ہے۔ یونیورسٹی کا شعبہ تاریخ اب اس تجویز پر غوروخوض کررہا ہے۔

میڈیا رپورٹز کے مطابق یوگی حکومت آگرہ کا نام تبدیل کرکے 'اگروان' رکھنے کا منصوبہ کر رہی ہے کیونکہ کچھ لوگوں کا خیال ہے کہ اس جگہ کو اگراون کے نام سے جانا جاتا تھا۔ تاریخ داں اور ماہرین سے کہا گیا ہے کہ جب اگراوان کا نام تبدیل کرکے آگرہ کر دیا گیا تھا تو ان حالات اور وقت کا جائزہ لیا جائے۔

واضح رہے کہ اس سے قبل اترپردیش حکومت نے الہ آباد کا نام تبدیل کرکے پریاگ راج کر دیا تھا اور تاریخی ریلوے اسٹیشن مغل سرائے کا نام تبدیل کرکے دیندال اپادھیائے کے نام پر رکھا گیا ہے۔