سماج وادی پارٹی ہی اقتدار میں آئے گی: شکیل سیفی

شکیل سیفی نے کہا کہ برسراقتدار جماعت جمہوریت کا گلا گھونٹنے کا کام کر رہی ہے۔ ہر انسان اپنے حقوق کی لڑائی کے لیے سڑکوں پر ہے۔ حقوق کی لڑائی لڑنے والے کو موجودہ حکومت جیلوں میں ڈال رہی ہے۔ کسان سمیت سماج کا ہر طبقہ موجودہ حکومت کی پالیسیوں سے پریشان ہے۔

اتر پردیش کے نوئیڈا مہا نگر سماج وادی پارٹی کے نائب صدر شکیل سیفی نے ای ٹی وی بھارت سے بات چیت کرتے ہوئے کہا کہ موجودہ حکمرانوں کی نااہلی ملک و قوم کو ناقابل تلافی نقصان سے دوچار کرتی نظر آرہی ہے۔ اتر پردیس کو سماج وادی پارٹی ہی ترقی و خوشحالی کی راہ پر گامزن کرسکتی ہے۔

انہوں نے کہا کہ مجھے پورا یقین ہے کہ عوامی حمایت سے سماج وادی پارٹی اس بار بڑی جیت کے ساتھ اقتدار میں آئے گی اور ریاست کی ترقی کے ساتھ ساتھ عوام کی خدمت کا تسلسل جاری رہے گا۔

شکیل سیفی نے کہا کہ اتر پردیش کی عوام باشعور ہے۔ انہیں اپنے بہتر مستقبل کے لیے سماج وادی پارٹی سے بہتر کوئی دوسری جماعت نظر نہیں آتی۔

انہوں نے کہا کہ برسراقتدار جماعت جمہوریت کا گلا گھونٹنے کا کام کر رہی ہے۔ ہر انسان اپنے حقوق کی لڑائی کے لیے سڑکوں پر ہے۔ حقوق کی لڑائی لڑنے والے کو موجودہ حکومت جیلوں میں ڈال رہی ہے۔ کسان سمیت سماج کا ہر طبقہ موجودہ حکومت کی پالیسیوں سے پریشان ہے۔ کوئی ایسا ترقیاتی کام نہیں ہوا ہے جو موجودہ حکمران پارٹی سے منسوب کیا جائے۔ ہر طرف بے چینی اور خوف و ہراس ہے۔

نائب صدر شکیل سیفی نے کہا کہ معاشی میدان میں جن دعوؤں اور وعدوں کے ساتھ بی جے پی کی حکومت اقتدار میں آئی تھی، وہ سب کے سب دھرے کے دھرے رہ گئے۔ بی جے پی پی سماج کو توڑنے کا کام کرتی ہے اور سماج وادی پارٹی عوام کو ساتھ لے کر ترقی اور خوشحالی کی راہ پر چلنے کا مزاج رکھتی ہے۔

اس موقع پر سماج وادی پارٹی کے دیگر سرگرم اور نوجوان رہنما سمیت لوہیا واہنی کے ضلع نائب صدر نور حسن، محمد شہزاد، ندیم سیفی، عظیم زیدی اور گڈو شاہ موجود تھے۔