نوئیڈا میں روڈ سیفٹی ویک کا آغاز

نوئیڈا میں 2020 کے پہلے روڈ سیفٹی ویک کا آج سے آغاز ہوگیا جبکہ اس موقع پر اسسٹنٹ ڈویژنل ٹرانسپورٹ آفیسرسیکٹر 33 نوئیڈا گوتم بودھ نگر کے دفتر سے روڈ سیفٹی بیداری کے لیے پروموشنل گاڑی روانہ کی گئی۔

پروموشنل گاڑی کو ڈویژنل ٹرانسپورٹ آفیسر ہمیش تیواری نے پرچم دکھا کر روانہ کیا۔ اس گاڑی کے ذریعہ ضلع کے مختلف علاقوں جیور، دادری، ربوپورہ، دنکور و دیگر دیہی علاقوں میں شعور بیداری مہم چلائی جائے گی۔

اس سلسلہ میں مختلف گاڑیوں کے ڈیلرز کے تعاون سے بینرز، پوسٹرز اور پمفلٹ وغیرہ بھی تقسیم کیا جائے گا۔

اس دوران نوئیڈا کے 12 آلودگی مراکز کا اچانک معائنہ بھی کیا گیا اور شرکاء کو آلودگی سے متعلق سرٹیفکیٹ کی ضرورت اور گاڑیاں میں آلودگی کے معیار کو بروقت جانچنے کی اہمیت کے بارے میں بتایا گیا، اس کے ذریعے آلودگی کو کم کرنے میں ہرشہری کے اہم کردار پر زور دیا گیا۔