مفت راشن تقسیم کے دوران کووڈ 19 پروٹوکول پر عمل لازمی

نوئیڈا میں کورونا وائرس کے کیسز میں تشویشناک حد تک اضافہ ہو رہا ہے جس کے بعد انتظامیہ بھی کافی محتاط ہے اور احتیاطی اقدامات پر عمل کرنے کے لیے زور دے رہا ہے۔

پردھان منتری غریب کلیان یوجنا کے تحت 20 جون سے 30 جون تک ضلع کی تمام راشن دکانوں پر 5 کلو چاول اور 1 کلو چنا فی کارڈ مفت تقسیم کیا جارہا ہے۔

ضلع کی تمام راشن دکانوں پر کارڈ ہولڈرز کو راشن تقسیم کرتے ہوئے وہاں پر سینیٹائیزر اور معاشرتی دوری پر عمل کرنا لازمی قرار دیا گیا ہے بصورت دیگر ان کے خلاف کارروائی ممکن ہے۔

اس بات کو یقینی بنانے کے لیے ڈی ایم کی ہدایت پر محکمہ کے افسران مستقل طور پر راشن دکانوں کا دورہ کر رہے ہیں۔

محکمہ سپلائی کے انسپکٹر کووڈ 19 پروٹوکول کی تعمیل کو یقینی بنانے کے لیے رہنمایانہ اصول پر عمل کروا رہے ہیں تاکہ لوگوں کو اس عالمی وبا سے تحفظ فراہم کیا جاسکے۔