Darul Uloom Deoband Reaction on Hijab Verdict: حجاب معاملے پر دارالعلوم دیوبند کا ردعمل

حجاب معاملے میں کرناٹک ہائی کورٹ کے فیصلے پر دارالعلوم دیوبند کے میڈیا ترجمان اشرف عثمانی نے دارالعلوم دہوبند کے مہتمم مفتی ابو القاسم نعمانی کی جانب سے کہا کہ بھارت ایک جمہوری ملک ہے اور کسی بھی حکومتی تسلیم شدہ تعلیمی ادارے کو یہ حق نہیں ہے کہ وہ ایسے قوانین بنائے جو کسی مذہب یا روایت کے خلاف ہوں۔ Hijab ban in Karnataka

دارالعلوم دیوبند کے مہتمم مولانا مفتی ابوالقاسم نعمانی نے حجاب سے متعلق کرناٹک ہائی کورٹ کے فیصلے کو ناقابل قبول قرار دیا۔ انہوں نے کہا کہ عدالت کا یہ بیان کہ 'حجاب اسلام کا لازمی حصہ نہیں ہے' یہ غلط ہے۔ پردہ اسلام میں واجب ہے اور قرآن اس کا حکم دیتا ہے۔ Karnataka High Court Uploads Hijab Ban

دارالعلوم دیوبند نے حجاب معاملے پر فوری ردعمل ظاہر کرتے ہوئے 'قومی اور ملی تنظیموں سے اپیل کی ہے کہ وہ حجاب پر کرناٹک ہائی کورٹ کے فیصلے کو سُپریم کورٹ میں چیلنج کریں۔

مفتی ابو القاسم نعمانی نے کہا کہ اگر عدالت کہتی ہے کہ پردہ اسلام میں لازم نہیں ہے تو اس کی تردید کی جانی چاہیے کیونکہ پردہ ضروری ہے۔ اُنہوں نے کہا کہ پردہ اسلام کا حصہ ہے اور اس کا لازمی ہونا قرآن کا حکم ہے۔

انہوں نے کہا کہ بھارت ایک جمہوری ملک ہے اور کسی بھی حکومتی تسلیم شدہ تعلیمی ادارے کو یہ حق نہیں ہے کہ وہ ایسے قوانین بنائے جو کسی مذہب یا روایت کے خلاف ہوں۔