رامپور :نئے جج کی تقرری پر استقبالیہ

ریاست اترپردیش کے رامپور میں نئے جج کی تقرری ہونے پر بار ایسو سی ایشن کے کارکنان نے ان کے اعزاز میں استقبالیہ تقریب کا اہتمام کیا۔

اس موقع پر بار ایسو سی ایشن کے عہدیداروں نے پھول مالائیں پہناکر ضلعی جج گورو کمار شریواستو کا استقبال کیا۔

رامپور بار ایسو سی ایشن کی جانب سے آج ایسو سی ایشن کے کانفرنس ہال میں ایک پروقار تقریب کا اہتمام کرکے ضلعی جج گورو کمار شری واستو کو استقبالیہ دیا گیا۔

بار ایسو سی ایشن کے سینئر وکلاء نے ضلع جج کو شال پہنا کر عزت افزائی کی۔

تقریب کو خطاب کرتے ہوئے ضلع جج نے کہا کہ آپ کا تعاون رہے گا تو بار اور بنچ کے درمیان کوئی پریشانی نہیں آئے گی۔

انہوں نے کہا کہ آج کل کورونا کا دور چل رہا ہے۔

کورونا گائڈ لائنس پر عمل کریں۔ عدالتوں میں بھیڑ نہ لگائیں۔

انہوں وکلاء کو مخاطب کرتے ہوئے کہا کہ اگر آپ کو کوئی مسئلہ درپیش ہو تو آپ میرے چیمبر میں آکر مجھ سے بات کر سکتے ہیں۔
اس موقع پر بار کے سینئر رکن محمد ضمیر رضوی ایڈووکیٹ نے رامپور کی پہچان رامپوری ٹوپی پہناکر ضلع جج کا استقبال کیا۔

پروگرام میں شامل وکلاء نے ضلعی عدالت سے متعلق کچھ مانگیں بھی رکھیں۔ جس کو پورا کرنے کی ضلع جج نے یقین دہانی کرائی۔