میرٹھ: نابالغ لڑکی کے ساتھ جنسی زیادتی

میرٹھ میں نابالغ لڑکی کے ساتھ آبروریزی کے معاملے کے بعد گاؤں سینکڑوں لوگون نے ایس پی دفتر پر جم کر ہنگامہ کیا اور ان کے ساتھ انصاف کیے جانے کا مطالبہ بھی کیا۔

ریاست اتر پردیش میں آبرو ریزی کے واقعات تھمنے کا نام ہی نہیں لے رہے ہیں۔ میرٹھ انچولی تھانے کے سندھاوڑی گاؤں میں رہنے والے شمشاد کی نابالغ لڑکی کے ساتھ پڑوس کے ہی رہنے والے ایک بالغ لڑکے نے مبینہ طور پر اس کے ساتھ جنسی زیادتی کی ہے۔

متاثرہ کے اہلخانہ جب مقامی تھانے میں جب شکایت درج کرانے گئے تو وہاں ان کی کوئی سنوائی نہیں کی گئی جس کے بعد گاؤں کے سیکڑوں لوگوں اپنی شکایت لے کر ایس پی دفتر پہنچے۔

پولیس نے دو فرقوں کے کے درمیان پیش آئے اس معاملے کو دیکھتے ہوئے جلد از جلد ملزم کی گرفتاری کی یقین دہانی کرائی ہے۔

میرٹھ میں پیش آئے آبرو ریزی کے اس معاملے میں جلد گرفتاری بات تو کی جارہی ہے لیکن اس طرح کے معاملوں پر یہاں اب قدغن لگنا مشکل ہوتا جارہا ہے۔ یہاں اب ضرورت اس بات کی ہے کہ آئندہ دنوں میں ایسے واقعات پیش آنے سے روکا جاسکے۔