نوئیڈا میں قومی سڑک سیکورٹی پروگرام کا افتتاح

قومی روڈ سیفٹی ماہ کے افتتاح کے موقع پر ضلع مجسٹریٹ نے کہا کہ سڑک حادثات کو کم کرنے اور سڑک حادثات میں اموات کی شرح کو کم کرنے کے نظریہ کے ساتھ اس پروگرام کا مقصد ٹریفک قوانین کی عمل آوری کو یقینی بنانا ہے۔

ریاست اتر پردیش کے گوتم بدھ نگر کے ضلع مجسٹریٹ سہاس ایل وائی نے باضابطہ طور پر قومی روڈ سیفٹی ماہ کا آغاز کیا، قومی روڈ سیفٹی ماہ کے پہلے دن ضلع مجسٹریٹ نے ریلی کو گرین سگنل دکھا کر روانہ کیا، تاکہ ٹریفک قوانین پر عمل آوری کو یقینی بنانے کے لئے ڈرائیوروں کو آگاہ کیا جاسکے۔

قومی روڈ سیفٹی ماہ کے افتتاح کے موقع پر ضلع مجسٹریٹ نے کہا کہ سڑک حادثات کو کم کرنے اور سڑک حادثات میں اموات کی شرح کو کم کرنے کے نظریہ کے ساتھ اس پروگرام کا مقصد ٹریفک قوانین کی عمل آوری کو یقینی بنانا ہے۔

اس موقع پر ضلع مجسٹریٹ نے کہا کہ حکومت کی جانب سے جو پروگرام ترتیب دیے گئے ہیں ان کو ضلع میں انتہائی اہمیت کے ساتھ انجام دیا جائے اور حادثات کو کم کرنے کے لیے زیادہ سے زیادہ پروگرامز کے ذریعے عوام کو ٹریفک قوانین کی معلومات فراہم کی جائیں۔

ان کا کہنا تھا کہ حادثات میں اموات کی شرح کو کم کرنے کے مقصد سے زیادہ سے زیادہ شہریوں کو ٹریفک قوانین پر عمل پیرا ہونے کی ترغیب دی جائے۔