بریلی شہر کے صوفی ٹولہ علاقے میں رہنے والی نسرین جاوید گزشتہ کئی برسوں سے خدمت خلق کی نایاب مثال پیش کر رہی ہیں۔ ان کے گھر کے دروازے ایسے تمام اسکولی طلباء طالبات کے لیے کھلے ہیں، جو ہر قیمت پر اسکولی تعلیم حاصل کرنا چاہتے ہیں۔
اُن کے پاس ایسے تمام بچوں کی لمبی فہرست ہے، جو شام کو درس حاصل کرنے کے لیے آتے ہیں۔ خاص بات یہ ہے کہ نسرین جاوید ان تمام بچوں کو مفت میں ٹیوشن سے لیکر کتابوں اور نوٹس تک کا انتظام بھی کرتی ہیں۔
پچھلے بیچ کے بچوں سے کتابیں اور نوٹس حاصل کرکے اگلی کلاس میں آنے والے بچوں تک پہنچانا اُن کی زندگی کا خاص شغل ہے۔
نسرین جاوید شہر کی ڈیمڈ "اِنورٹیس یونیورسٹی" میں گزشتہ 14 برس سے بطور "انگلش لینگویج" یعنی انگریزی زبان کی پروفیسر ہیں۔ اُن کی قابل تعریف بات یہ ہے کہ یہ تمام اسکولی بچے نہ تو اُن کی یونیورسٹی سے تعلق رکھتے ہیں اور نہ ہی اُن کے احباب میں سے، پھر بھی وہ اِن طلباء طالبات کی تمام تعلیمی مشکلات کو مفت میں حل کرتی ہیں۔
بریلی کی نسرین جاوید خدمت خلق کی نایاب مثال دن بھر اِنورٹیس یونیورسٹی میں اعلیٰ درجہ کی تعلیم کے درس و تدریس کا سلسلہ جاری رہتا ہے اور شام کو گھر واپس آنے کے بعد یہ تمام بچے اپنے سوالات لیکر حاضر ہو جاتے ہیں۔
نسرین کو یہ حوصلہ، شوک و جذبہ اپنے والدین سے وراثت میں ملا ہے۔ اُن کی والدہ بھی اپنے اسکولی دور میں تمام رشتہ داروں اور محلہ کے بچوں کو اسکولی تعلیم کا درس دیا کرتی تھیں، وہی جذبہ بیٹی کو والدہ سے وراثت میں ملا ۔. نسرین اپنی والدہ کی روایت کو مزید آگے بڑھا رہی ہیں۔
وہ پانچ مضامین میں پوسٹ گریجویٹ، ڈبل بی ایڈ اور پی ایچ ڈی بھی مکمل کر چکی ہیں۔ اب تک 40 سے زائد بچوں کو اسکول چھوڑنے سے روکا ہے اور درجنوں طالبات کو اسکولی تعلیم حاصل کرنے کے لیے تاثر کیا ہے۔
بریلی کی نسرین جاوید خدمت خلق کی نایاب مثال اپنی ذمہ داریوں کو یہیں تک محدود نہیں رکھا ہے، بلکہ اُن تمام طلباء طالبات کی تعلیم مکمل ہونے تک تمام پہلوؤں سے مدد بھی کی ہے۔ اُن کے گھر روزانہ شام کو معصوم طلباء طالبات کا ہجوم جمع ہو جاتا ہے اور تقریباً فی بچہ اپنے سوالات کو حل کرانے کے بعد ہی گھر واپس لوٹکر جاتا ہے۔
مزید پڑھیں:
نسرین کے پاس آنے والے کئی بچے ایسے بھی ہیں، جن کے والدین اسکول فیس کے علاوہ ٹیوشن فیس ادا کرنے میں بھی قاصر ہیں، لیکن نسرین کے خدمت خلق کے جذبہ نے متعدد غریب طلباء کو بھی تعلیمی دائرے میں باندھکر رکھا ہے۔
