میرٹھ میں روح افزا کی قلت نہیں

رواں ماہ رمضان المبارک کے ابتداءسے ہی ملک بھر میں شربت روح افزا کی قلت رہی ہے۔

تاہم ملک کے دارالحکومت دہلی سے 70 کلومیٹر کے فاصلے پر واقع اترپردیش کے شہر میرٹھ میں پہلے رمضان سے ہی روح افزا کی قلت نہیں رہی ہے۔

میرٹھ کے کرانہ دکان پر روح افزاوافر مقدار میں موجود ہے دکانداروں کا کہنا ہے کہ ابتدأ رمضان سے ہی شہر میں روح افزا کی قلت نہیں رہی ہے۔ لوگ وقت بروقت اس کی خریداری کرتے رہے ہیں،جس میں اب تک کسی طرح کی کوئی بھی دشواری پیش نہیں آئی ہے۔

واضح رہے کہ ماہ رمضان کے آغاز سے قبل ہی ملک بھر میں روح افزا کی قلت کی خبریں شائع ہونے کے بعد پاکستان نے بھی اس کے بھرپائی کی پیشکش کی تھی۔

ماہ صیام میں روزے دار شربت روح افزا رغبت کے ساتھ استعمال کرتے ہیں۔

روح افزا بنانے والی کمپنی ہمدرد کے سی او کے حوالے سے کئی میڈیا رپورٹز کے مطابق روح افزا کی مصنوعات میں کمی واقع ہوئی تھی جس کی ایکسپورٹ وافر مقدار میں نہیں ہوئی۔

لیکن زمینی حقیقت اس کے قلت کی تردید کر رہی ہیں میرٹھ شہر میں روح افزا وافر مقدار میں موجود ہے وہیں قرب و جوار کے اضلاع میں بھی روح افزا کی قلت نہیں رہی ہے۔

اب یہاں یہ سوال اٹھتا ہے کہ کیا روح افزا کی قلت کی خبر اشتہار تھی؟