مظفر نگر: پولیس تصادم میں منشیات کے ساتھ تین ملزمان گرفتار

ریاست اترپردیش کے ضلع مظفر نگر میں ایس ایس پی ابھیشیک یادو کی ہدایت پر ضلع میں منشیات فروشوں کے خلاف چلائی جا رہی زیرو ڈرگس مہم میں تین افراد کو گرفتار کیا ہے۔

مظفر نگر کے تھانہ بڑھانا علاقے کے بوانا سے خان پر راستے پر بھٹیے کے پاس پولیس تصادم میں تین منشیات فروش ملزمان کو سات لاکھ روپے کے گانجے کے ساتھ گرفتار کیا ہے، جن کے پاس سے غیر قانونی اسلحے بھی برآمد ہوئے ہیں۔

پکڑے گئے ملزمان کے نام شاہ عالم والد منور رہائشی حسین پور کلا تھانہ علاقہ بڑھانا، سومین ولد اختر رہائشی حسین پور کلا تھانہ علاقہ بڑھانا اور نریندر ولد اوم پرکاش قصبہ تھانہ بڑھانا ہیں۔

پولیس نے ان کے قبضے سے 38.5 کلوگرام گانجا، جس کی مارکیٹ ویلیو تقریب 7 لاکھ روپے ہے، ایک طمنچا اور زندہ کھوکا کارتوس،اور ایک انڈیگو کار برآمد کی ہے۔ گرفتار ملزمان آندھر پردیش سے گانجے کو اترپردیش کے الگ الگ ضلع میں میں فروخت کرنے کا کام کرتے تھے۔