مظفر نگر: جعلی سیمنٹ فیکٹری کا پردہ فاش، پانچ گرفتار

ریاست اُتر پردیش کے ضلع مظفر نگر کے تھانہ چہپار پولیس اور کرائم برانچ کی ٹیم نے چھاپے کے دوران غیر قانونی سیمنٹ فیکٹری کا پردہ فاش کرتے ہوئے 5 ملزمین کو گرفتار کیا ہے۔

ایس پی کرائم درگیش کمار سنگھ نے پولیس لائن میں پریس کانفرنس کرتے ہوئے بتایا کہ تھانہ چہپار اور کرائم برانچ نے مخبر کی اطلاع پر تھانہ چہپار کے روحانہ سے رام پور روڈ پر جعلی سیمنٹ فیکٹری کا انکشاف کیا ہے۔

اس چھاپے کے دوران 5 ملزمین کو موقع سے گرفتار کیا گیا ہے اور جعلی تیار شدہ سیمنٹ، جعلی خام سیمنٹ اور جعلی سیمنٹ بنانے کا سامان بھی برآمد کیا گیا ہے۔

ملزمین کے نشان دہی پر دو گاڑیاں پک اپ بھی برآمد ہوئی ہیں ، جس میں 183 ملاوٹی سیمنٹ کے بیگ بھی برآمد ہوئے ہیں۔ گرفتار ملزمان مظفر نگر کے ہی رہائشی ہیں۔ تو وہیں دیگر پانچ ملزمین فرار ہونے میں کامیاب ہوگئے، جن کی پولیس تلاش کر رہی ہے۔

مفرور ملزمین میں راجیش سنگھل فیکٹری کا مالک، رہائشی اگریسین وہار تھانہ نئی منڈی، قدیر ولد عالم، رہائشی محلہ کرشن پوری، تھانہ شہر کوتوالی، ابھیشیک ساکن اگریسن وہار تھانہ نئی منڈی، مزمل ولد عبد الرشید ساکن اوجھری تھانہ ساد ناگلی ضلع امروہہ ہیں۔ اور سلیم رانا ولد مرتضیٰ انمول وہار، چکانہ روڈ تھانہ کوتوالی دیہات کا رہائشی ہے۔

ملزم سے پولیس ٹیم نے جعلی سیمنٹ مارکا الٹرا ٹیک کے 183 بیگ ، 510 خالی کٹہ مارکا الٹرا ٹریک ، 1045 پرانے ٹوٹے ہوئے سیمنٹ سے بھری کٹہ ، 1035 پتھر کے سیمنٹ کی چھنی ہوئی روڑی ، 980 کٹہ پتھر کی راکھ ، دو ٹاٹا پیکپ گاڑی ، ایک فلٹر ، بیلچہ ، ایک بالٹی ، ایک چھری اور ایک الیکٹرانک کانٹا وغیرہ پلیس نے برآمد کیے۔

فرار فیکٹری ملک راجیش سنگھل ماضی میں بھی تھانہ سکھیرا سے جعلی سیمنٹ بنانے کے الزام میں جیل جاچکے ہیں۔

گرفتار ملزم نے بتایا کہ جعلی سیمنٹ بنانے کے لیے استعمال ہونے والا خام مال فیکٹری مالکان راجیش سنگھل اور ابھیشیک سے دوسری جگہ سے لاکر دیتے تھے۔

اس کے بعد ، بازار میں انہیں مارکیٹ کی قیمت میں فروخت کرتے تھے۔ہم نے تھیلی پر الٹراٹیک کا نشان استعمال کرتے تھے۔ ہم یہ کام تقریبا 1 سال سے کررہے ہیں۔ہم لوگوں نے ضلع کے ساتھ ساتھ دیگر اضلاع میں بھی یہ سیمنٹ سپلائی کیا ہے۔