مظفرنگر پولیس نے جعلسازی کرنے والے تین ملزمان کو کیا گرفتار

پولیس نے جعلسازی کرنے والے گروہوں کا پردہ فاش کیا ہے، پولیس اس معاملے میں مزید تحقیقات کر رہی ہے۔

ریاست اترپردیش کے ضلع مظفر نگر پولیس نے لوگوں کے ساتھ جعلسازی کرنے والے تین شاطر بدمعاشوں کو گرفتار کیا ہے. ان بدمعاشوں کے قبضے سے 17 مختلف بینکوں کے پاس بک 21 اے ٹی ایم 11 چیک بک موبائل فون اور 30 ہزار روپے نقد برآمد کیے ہیں۔

مظفر نگر ایس پی سٹی نے بتایا کہ مظفرنگر کہ تھانہ سول لائن پولیس نے تین شاطر بدمعاش کو گرفتار کیا ہے جن کا یہ کام تھا کہ جعلی آدھار کارڈ بنا کر مختلف بینکوں میں جعلی اکاؤنٹ کھلواتے تھے اور ان اکاؤنٹس کا استعمال آن لائن فراڈ کے لیے کرتے تھے۔

انہوں نے مزید بتایا کہ آگے کی کاروائی کی جا رہی ہے، ان کا کہنا تھا کہ ان کے ذریعے جو جعلی آدھار کارڈ بنائے جاتے تھے اس میں فوٹو اور نام وغیرہ تو سہی رہتا تھا باقی ترسیل زر کا پتہ بدل دیا جاتا تھا۔

ایس پی سٹی کے مطابق پوچھ گجھ میں اس بات کا انکشاف ہوا ہے کہ وہ چار سے پانچ مہینوں سے اس کام کو انجام دے رہے تھے، اس سے قبل یہ جے پور میں بھی اس طرح کے کام کو انجام دے چکے ہیں اور اب مظفرنگر میں اس کام کو انجام دے رہے تھے، جن کو وقت رہتے پولیس نے گرفتار کر لیا ہے انہوں نے بتایا کہ ہم اس سے متعلق مزید بینکوں سے بھی جانکاری موصول کر رہے ہیں۔