مظفرنگر میڈیکل ہیلتھ فیڈریشن اترپردیش کے ڈاکٹرز نے ضلع ہسپتال کے احاطے میں صبح آٹھ بجے سے دس بجے تک میڈیکل آفیسر کے دفتر کے باہر ڈاکٹر شکنتلا دیوی اور کنوینر ڈاکٹر سنجیو کمار لامبا کی سربراہی میں یہ احتجاج کیا گیا۔
مظفرنگر: طبی عملے نےتبادلوں کےخلاف احتجاج کیا اس ضمن میں ڈاکٹر سنجیو کمار لامبا نے بتایا کہ محکمہ صحت کے کئی ملازمین کی کورونا وبا کے دور میں موت ہو چکی ہے۔' ہم نے اپنی جان کی پرواہ کیے بغیر اپنے کام کو بخوبی انجام دیا۔
یہ بھی پڑھیں:اترپردیش: اے ٹی ایس نے 2 مشتبہ عسکریت پسندوں کو گرفتار کیا
انھوں نےکہا محکمہ صحت کے ملازمین کا خیال نہیں رکھا جا رہا ہے اور زبردستی ان کا تبادلہ کیا جارہا ہے۔
انھوں نے کہا کہ دیگر ریاستوں کے میڈیکل ہیلتھ ڈاکٹرز کو ایک مہینے کی تنخواہ دی گئی ہے لیکن یہاں پر ملازمین کو کچھ بھی نہیں دیا گیا ہے اور حکومت ملازمین کو زبردستی منتقل کرنے کا کام کررہی ہے۔
کورونا دور ابھی جاری ہے۔ ایسی صورتحال میں ہیلتھ ورکرز کو دوسرے اضلاع میں منتقل کرنے کی کیا ضرورت ہے۔ 'ہم حکومت سے مطالبہ کرتے ہیں کہ ہمارے کیے جارہے تبادلوں کو روکا جائے، اگر حکومت ہمارے مطالبات کو تسلیم نہیں کرتی ہے تو ہم کام کا مکمل بائیکاٹ کریں گے اور لکھنؤ جا کر احتجاجی مظاہرہ کریں گے۔'
