جاں بحق فوجی کو شہید کا درجہ دینے کے بعد ہی اسے سُپرد خاک کرنے کے مطالبے پر بضد اہلخانہ کو انتظامیہ کی جانب سے یقین دہانی کے بعد عمران کو دفنایا گیا۔
انصاف کی یقین دہانی پر فوجی سُپرد خاک ریاست اترپردیش کے ضلع مظفرنگر میں شاہ پور کے گاؤں ہرسولی کے رہنے والے عمران بھارتی فوج میں برسر روزگار تھے اور آسام میں وہ تعینات تھے۔ گزشتہ روز عمران کی موت ہوگئی۔ جب اہل خانہ کو عمران کی موت کی اطلاع ملی تو کنبہ میں افراتفری پھیل گئی۔
ہلاک شدہ فوجی اپنے بھائیوں میں سب سے بڑا تھا جبکہ ان کے دو بچے بھی ہیں۔
واضح رہے کہ ہرسولی کے محمد طاہر کے بڑے بیٹے عمران 8 برس قبل فوج میں داخل شمولیت اختیار کی تھی اور آسام میں تعینات تھے۔
عمران چھٹیاں گزارنے کے بعد چند روز قبل واپس آسام گیا تھا۔ اس کا چھوٹا بھائی ذیشان سعودی عرب میں برسرروزگار ہے۔
پیر کی شام آرمی ہیڈ کوارٹر سے عمران کی اہلیہ کو فون کے ذریعے عمران کی موت کی اطلاع موصول ہونے کے بعد گھر میں افراتفری پھیل گئی اور گاؤں میں بھی غم و اندوہ کو ماحول پیدا ہوگیا۔
عمران کے پسماندگان میں والدہ، بیوی اور دو بچے ہیں جبکہ ان کے والد کا انتقال ہوچکا ہے۔
جاں بحق ہونے والے فوجی عمران کے اہل خانہ نے شہید کا درجہ نہ ملنے سے آخری رسومات ادا کرنے سے انکار کر دیا تھا جس کے بعد انتظامیہ اور پولیس کے اعلیٰ افسران نے اہل خانہ کو انصاف کا بھروسہ دلایا اور عمران کو اعلیٰ افسران کے ذریعے خراج عقیدت پیش کرتے ہوئے نم آنکھوں سے سپرد خاک کیا گیا۔
