رمضان المبارک کی مناسبت سے شہر قاضی کی اپیل

ریاست اترپردیش کے ضلع مظفر نگر کے شہر قاضی مولانا تنویر عالم نے کورونا وائرس کی اس عالمی وبا کے باعث لاک ڈاؤن کے دوسرے مرحلے کے مدنظر رمضان المبارک کی مناسبت سے عام مسلمانوں سے اپیل کی ہے۔

اِس خصوصی اپیل میں انہوں نے کہا کہ کورونا وائرس کی وجہ سےہمارے ملک میں تین مئی 2020 تک لاک ڈاون ہے، اور رمضان المبارک کا مہینہ آنے والا ہے ۔

اس سلسلے میں آپ سے گزارش ہے کہ آپ روزے رکھنے کا اہتمام کریں اور تراویح و نماز مع جمعہ اپنے اپنے گھروں پر ادا کریں ۔

انہوں نے مزید کہا کہ زکوٰۃ وخیرات ۔ صدقات اور افطار میں ضرورت مندوں کا خیال رکھیں تاکہ کوئی بھوکا نہ رہے ۔

دعاؤں میں خاص طور سے تہجّد وافطار کے وقت تمام اُمّت کو یاد رکھیں ۔

ﷲ تعالی اس بیماری سے نجات دے اور ہم سبکی حفاظت فرمائے ۔

اُمیّد ہے کہ جس طرح صبر کا مظاہرہ آپ نے اب تک کیا ہے آیندہ بھی کرتے رہیں گے اور انتظامیہ کی ہر ممکن تعاون دیتے رہیں گے۔