ای ٹی وی بھارت سے بات کرتے ہوئے نظمہ پرویز نے بتایا کہ ہندو مسلم خواتین نے مشترکہ طور پر وزیر اعظم نریندر مودی اور امریکہ کے صدر ڈونالڈ ٹرمپ کے لیے راکھی بنائی ہے اور یہ راکھی ان کو بذریعہ ڈاک بھیجی جائے گی۔
انہوں نے بتایا کہ اس کے ذریعے قومی اتحاد کا پیغام ہے ہندو اور مسلم خواتین ہندوؤں کے مقدس تہوار رکھشا بندھن پر راکھی بنا کر قومی اتحاد اور بھائی چارہ کا پیغام دے رہی ہیں۔
انہوں نے مزید کہا کہ گھریلو راکھی نہ صرف قومی اتحاد کا پیغام دے رہی ہیں بلکہ چائنیز راکھی کا بھرپور مقابلہ کریں گی اور چین کے سامان کا بائیکاٹ کرنے میں بھی مدد کرے گی۔
ارچنا بھارت ورشی نے بتایا کہ کاشی کی سرزمین کو ہمیشہ گنگا جمنی تہذیب اور بھائی چارہ کے لیے جانا گیا ہے یہی وجہ ہے کہ آج ہندو مسلم خواتین مل کر قومی اتحاد اور بھائی چارہ کا پیغام دے رہی ہیں انہوں نے کہا کہ چاہے منشی پریم چندر نے عید گاہ جیسے مقبول افسانے لکھے ہو یا ہندو مسلم خواتین مل کر کے رکھشا بندھن کے لیے راکھی بنا رہی ہو یہ سبھی بھائی چارہ کے لیے ایک اہم مثال ہے۔
نازنین انصاری نے بتایا کہ امریکا کے صدر کے لیے بھی راکھی بنائی گئی ہے اس کی خاص وجہ یہ ہے کہ حالیہ دنوں بھارت اور چین کے درمیان سرحدی کشیدگی ہوئی تھی جس کی بنیاد پر چین نے ہمارے ملک کے کئی فوجی جوانوں کو ہلاک کردیا تھا اس سلسلے میں امریکہ بھارت کے ساتھ پوری مضبوطی کے ساتھ کھڑا تھا اب ہندو مسلم خواتین مل کر امریکہ صدر کے لیے بطور ہدیہ راکھی بھیج کر کے مبارکباد پیش کرنا چاہ رہی ہیں۔