مرادآباد: وکلا کی یاد میں تعزیتی نشست کا انعقاد

عالمی وبا کورونا وائرس کے سبب نہ جانے کتنے لوگوں کی جانیں گئی ہیں اور نہ جانے کتنے افراد اس سے متاثر ہوئے ہیں۔ اتر پردیش کے مرادآباد بار ایسوسی ایشن میں وکلا نے ایک تعزیتی نشست کا اہتمام کرتے ہوئے ان وکلا کے تئیں افسوس کا اظہارکیا جو کورونا وائرس کا شکار ہو کر ہمیشہ ہمیشہ کے لیے رخصت ہو گئے ہیں۔

مراد آباد بار ایسوسی ایشن کے صدر آدرش شری واستو نے میڈیا سے بات چیت کرتے ہوئے کہا کہ کورونا وائرس کے سبب مرادآباد بار ایسوسی ایشن کے تقریباً 30 وکلا کا انتقال ہوا ہے۔

انہوں نے کہا کہ لاک ڈاؤن کے سبب بار ایسو سی ایشن بند تھا۔ اسی وجہ سے ہلاک ہونے والے وکلا کو خراج عقیدت پیش نہیں کیا جا سکا۔ انہیں وکلا کی یاد میں آج اس تعزیتی نشست کا اہتمام کیا گیا ہے۔

تعزیتی جلسے میں موجود وکلا نے اس دنیا سے رخصت ہو چکے اپنے ساتھیوں کو یاد کیا اور انہیں خراج تحسین پیش کیا۔

اس موقع پر مرادآباد بار ایسوسی ایشن کے سکریٹری اشوک کمار ورما نے میڈیا سے بات چیت کرتے ہوئے کہا کہ لوگوں سے اپیل کرتے ہیں کہ کرونا وائرس سے نجات پانے کے لئے سماجی فاصلے پر عمل پیرا ہوں۔ا ورسینیٹائزر کا استعمال کریں۔

انہوں نے مزید کہا کہ اسی کوونا وائرس کی وجہ سے 30 رفقا اب اس دنیا میں نہیں ہیں ۔