مراد آباد: قرض ادا نا کرنے پر کمپنی سیل

ریاست اتر پردیش میں مرادآباد کٹ گھر علاقے سنبھل بائی پاس روڈ پر موجود وصف الہی ایکسپورٹ فارم پر کینارا بینک نے سیل کر دیا۔

بینک کے مطابق وصف الہی ایکسپورٹ فرم پر بینک کا تقریبا 19 کروڑ روپے کا قرض بقایا ہے جس کی ادائیگی نہ کرنے پر کینارا بینک نے پولیس فورس کے ساتھ پہنچ کر فرم کو سیل کردیا۔

فرم کے مالک ڈاکٹر وصف الہی نے بتایا کہ' یہ فرم 4 بار فروخت ہوچکی ہے اور چوتھی بار میں ہم نے خریدا ہے اس فارم پر کبھی بھی کسی نے قرض نہیں دیا اور بینک نے فرم سیل کرنے سے پہلے نہ کوئی نوٹس دیا اور نہ کوئی اطلاع دی۔

ڈاکٹر وصف الہی کے وکیل کا کہنا ہے کہ 'جس نام سے بینک سے لون لیا گیا ہے اس نام سے یہ فرم ہے ہی نہیں جبکہ بینک دعوی کر رہا ہے ہماری بینک سے اسی فرم نے لون لیا تھا جس کی ادائیگی نہ کرنے پر اسے سیل کردیا گیا۔