علی گڑھ: شہر مفتی کی جمعۃ الوداع کے تعلق سے اہم اپیل

کورونا وبا کی دوسری لہر کے پیش نظر اس مرتبہ بھی اجتماعی طور پر جمعۃ الوداع کی نماز مساجد میں ادا نہیں کی جائے گی۔ علی گڑھ شہر مفتی نے جمعۃ الوداع کو لے کر اہم اپیل کرتے ہوئے کہا کہ فاصلے کے ساتھ علاقوں کی مساجد میں چھوٹی جماعت کرکے نماز ادا کریں۔

رمضان المبارک کا آخری عشرہ جاری ہے۔ اس مہینے کے آخری جمعہ یعنی آج الوداع جمعہ ہے۔ کورونا کے بڑھتے ہوئے خطرے کے پیش نظر جمعۃ الوداع کی نماز سے متعلق علی گڑھ شہر مفتی محمد خالد حمید نے اپیل جاری کی جس میں جمعۃ الوداع اور عید کی نماز محلے کی مساجد میں چھوٹی جماعت کر کے ادا کرنے کی ہدایت دی۔

علی گڑھ شہر مفتی محمد خالد حمید نے بیان کے ساتھ ایک اپیل جاری کی ہے۔ جس میں انہوں نے کورونا وبا سے بچنے کے لئے بھیڑ کرنے اور بھیڑ والے علاقوں میں جانے سے بچنےکی ہدایت دی ہے۔

جمعۃ الوداع کو لے کراپیل

الوداع جمعہ اور عید کی نماز محلے کی مساجد میں چھوٹی جماعت کر کے ادا کریں۔ گلے ملنے اور ہاتھ ملانے سے پرہیز کریں۔ بہت ضرورت کے بنا گھر سے بالکل نہ نکلے۔ ماسک ضرور پہنے۔ موجودہ حالات کو مدِ نظر رکھتے ہوئے اپنا تعاون دیں۔

واضح رہے ضلع علی گڑھ میں بھی گزشتہ تین چار روز سے کورونا کے معاملوں میں تیزی سے اضافہ دیکھا جا رہا ہے، وہی ہونے والی اموات میں بھی کمی نہیں آئی ہے۔