محمد علی جوہر یونیورسٹی کو کتابوں کا تحفہ

ریاست اترپردیش کے شہر رامپور میں قائم محمد علی جوہر یونیورسٹی میں متحدہ عرب امارات کے سفارتخانے کے کوآرڈینیٹر عبدالواحد نے یو اے ای کی تہذیب و ثقافت سے متعلق کتابیں بطور تحفہ پیش کیں۔

کتابیں آپسی رشتوں کو استوار کرنے میں کافی اہم کردار ادا کرتی ہیں۔ اس بات کا اندازہ اس سے بھی لگایا جا سکتا ہے کہ دہلی میں واقع عرب امارات کے سفارتخانہ کے کوآرڈینیٹر عبدالواحد رامپور میں واقع محمد علی جوہر یونیورسٹی پہنچے۔

انہوں نے یونیورسٹی کی معروف سینٹرل لائبریری کو عربی تہذیب و ثقافت سے متعلق کتابیں بطور تحفہ پیش کیں۔ بھارتی زبانوں میں ترجمہ والی یہ کتابیں اپنی خصوصی اہمیت کی حامل ہیں۔

کتابیں حاصل کرنے کے بعد یونیورسٹی کی لائبریرین نازیہ خان نے شکریہ ادا کرتے ہوئے کہا کتابوں سے اچھا کوئی تحفہ نہیں ہو سکتا اور کتابیں ایک دوسرے کی تہذیب و ثقافت کو سمجھنے میں مددگار ثابت ہوتی ہیں۔