سیمینار میں اس بات پر زور دیا گیا کہ اتر پردیش میں گندم، دھان، گنا، چنا، سرسوں وغیرہ کی کاشتکاری خوب ہوتی ہے، لیکن اس سے کاشتکاروں کو زیادہ فائدہ نہیں ہوتا ہے۔
اتر پردیش منڈی بورڈ کے ڈائیرکٹر راجیو شریواستو نے ای ٹی وی بھارت سے بات چیت سے دوران بتایا کہ اگر ریاست کے کسان بھی مصالحے کی کھیتی کریں، تو انہیں اچھی قیمت ملے گی اور ان کی آمدنی میں بھی خوب اضافہ ہوگا۔
انہوں نے بتایا کہ مصالحے کی کھیتی کے لیے کاشتکاروں کو سبسڈی بھی دستیاب ہے، جس کے سبب کاشت کار زیادہ منافع کما سکیں گے۔
واضح رہے کہ یوپی میں پیاز، لہسن، دھنیا، مرچ وغیرہ کی کھیتی کافی زیادہ ہوتی ہے، لیکن کسان ان کا فائدہ نہیں اٹھا پاتے۔
راجیو شریواستو نے بتایا کہ منڈی بورڈ نے ایسا انتظام کر رکھا ہے کہ جہاں پر کسان ہوتے ہیں، وہیں بڑے کاروباری جاکر ان کے مصالحے کو خرید لیتے ہیں۔ اس سے یہ فائدہ ہوتا ہے کہ کسانوں کو بازار لے جانے کا کرایہ نہیں لگتا اور منافع زیادہ ہوتا ہے۔