مرادآباد: فیکٹری کے ملازمین کا احتجاج

مراد آباد میں واقع کیلاش پیپر مل کے ملازمین نے اپنے مطالبات کو لے کر آج احتجاج کیا۔ ملازمین کا کہنا ہے کہ انہیں فیکٹری سے باہر نکالا جارہا ہے۔

ریاست اتر پردیش کے شہر مرادآباد کے اغوان پور علاقے میں کیلاش پیپر مل کے باہر فیکٹری کے تقریباً ملازمین اپنے مطالبات کو لےکر احتجاج کررہے ہیں۔

احتجاجی مظاہرین کا کہنا ہے کہ کیلاش پیپر مل کے ذمہ داران نے انہیں فیکٹری سے باہر نکال دیا۔

تقریباً دو ماہ سے فیکٹری کے باہر احتجاج کررہے ملازمین نے میڈیا سے بات چیت کرتے ہوئے بتایا کہ فیکٹری ڈی آر ایس کے ایم نام سے چل رہی تھی۔ تاہم اب اس فیکٹری کو بند کیا جارہا ہے۔ فیکٹری کے ذمہ داران کا کہنا ہے کہ کہ کھلنے کے بعد ملازمین کو واپس بلایا جائے گا۔

ملازمین نے مزید کہا کہ فیکٹری مالک نے ڈی آر ایس ایم نام سے چل رہی فیکٹری کا نام بدل کر کیلاش پیپر مل رکھ کر نئے ملازموں کی تقرری کررہے ہیں۔

ملازمین کا مطالبہ ہے کہ ان کی ملازمت بر قرار رکھی جائے۔