مراد آباد: ہفتے میں دو دن لاک ڈاؤن کا اثر

ریاست اتر پردیش کے وزیراعلیٰ یوگی آدتیہ ناتھ کے حکم کے بعد ہفتے میں دو دن لاک ڈاؤن پر عوام کا اچھا تعاون دیکھنے کو ملا اور سب نے گھروں میں ہی رہنے کو ترجیح دی۔

اتر پردیش میں ہفتے میں دو دن لاک ڈاؤن کی صورتحال جاننے کے لیے ای ٹی وی بھارت کے نمائندے نے ضلع مراد آباد کے مختلف علاقوں کا دورہ کیا اور پایا کہ عوام نے اس لاک ڈاؤن پر عمل کیا ہے۔

مراد آباد کا ٹاؤن ہال نامی علاقہ ایسا ہے جو لکھنؤ کے امین آباد اور دہلی کے چاندنی چوک سے کم نہیں ہے جہاں عام دنوں میں ہزاروں کی تعداد میں عوام کا ہجوم ہوتا ہے لیکن لاک ڈاؤن کے سبب یہ علاقہ پوری طرح سنسان دکھائی دیا۔

ای ٹی بھارت کے نمائندے نے جن علاقے کا جائزہ لیا تو دیکھا کہ ایک بھی دکان نہیں کھلی ہے اور لوگوں نے گھروں میں رہنے میں ہی عافیت سمجھی۔

حالانکہ سڑکوں پر کچھ افراد دکھائی دیئے جبکہ علاقے میں پولیس کا پہرہ تھا۔