مئو: مول نواسی سماج پارٹی کی سی اے اے کے خلاف مہم

اترپردیش کے ضلع مئو میں مول نواسی سماج پارٹی، دیہی علاقوں میں سی اے اے کے خلاف مہم چلا رہی ہے۔ پارٹی کی جانب سے گاؤں میں بیداری پروگرام شروع کیا گیا ہے۔

میٹنگ کے دوران سی اے اے اور این آر سی کے زریعے عوام مخالف پالیسی سے لوگوں کو آگاہ کیا جا رہا ہے۔

مول نواسی سماج پارٹی طویل عرصے سے معاشرے کے پسماندہ طبقات کے بنیادی حقوق کے لیے لڑ رہی ہے۔ پارٹی کے پروگرام میں خواتین کثیر تعداد میں شرکت کر رہی ہیں۔

مول نواسی سماج پارٹی کے قومی ترجمان اودھیش باغی نے الزام عائد کیا کہ 'مرکزی حکومت مذہبی بنیاد پر معاشرے میں تفریق پیدا کر رہی، جس کی آڑ میں وہ ملک کے قیمتی اثاثے کو فروخت کرنے کی کوشش کر رہی ہے۔'

مول نواسی سماج پارٹی نے دہلی میں ہوئے تشدد کی سخت الفاظ میں مذمت کی۔ پارٹی کے مطابق پسماندہ طبقات کے جائز مطالبات سے چشم پوشی کے لیے فساد کرائے گئے ہیں۔ پارٹی نے بی جے پی پر مذہبی ہم آہنگی کو چوٹ پہنچانے کا الزام عائد کیا۔