مرادآباد: سماج وادی پارٹی کی ماہانہ میٹنگ

جیسے جیسے اسمبلی انتخابات نزدیک آرہے ہیں، ہر سیاسی پارٹی سیمینار میٹنگ اور جلسۂ عام منعقد کرکے سال 2022 میں اتر پردیش میں اپنی حکومت بنانے کا دعویٰ کررہی ہے۔

ریاست اتر پردیش کے مرادآباد سماج وادی پارٹی کے ضلع دفتر پر ایک ماہانہ میٹنگ کا انعقاد کیا گیا۔ اس میٹنگ میں سماج وادی پارٹی کے عہدیداران اور ممبران نے شرکت کی اور سال 2022 میں ہونے والے اسمبلی انتخابات پر تبادلۂ خیال کیا۔

سماج وادی پارٹی کے مرادآباد ضلع صدر ڈی پی یادو نے میڈیا سے بات چیت کرتے ہوئے بتایا کہ میرے ضلع صدر بننے کے بعد یہ پہلی ایک ایسی میٹنگ تھی، جس میں سنبھل سے رکن پارلیمنٹ ڈاکٹر شفیق الرحمٰن برق اور مرادآباد کے رکن پارلیمنٹ ڈاکٹر ایس ٹی حسن کے ساتھ ساتھ کئی سینیئر لیڈران موجود رہے۔

سماجوادی پارٹی کی سینیئر لیڈر پربھا دیوی نے کہا کہ نئی ضلع ٹیم بنائی گئی ہے اگر سال 2022 میں پارٹی کی اعلیٰ کمان کے حکم پر مرادآباد کی 6 اسمبلی سیٹ میں سے کسی بھی سیٹ پر خواتین کو امیدوار بنایا جاتا ہے تو یہ پارٹی کا اچھا فیصلہ ہوگا۔