نابالغ لڑکی کے ساتھ چھیڑ چھاڑ

ریاست اترپردیش کے ضلع سہارنپور کے شہر دیوبند علاقہ کے موضع جٹول دامودرپور نامی گاؤں کی ایک نابالغ لڑکی کے ساتھ چھیڑ چھاڑ کرنے کا واقعہ پیش آیا۔

متاثرہ لڑکی کی والدہ نے الزام لگاتے ہوئے کہا کہ جب ان کی بیٹی کے مزاحمت کرنے پر ملزم نوجوان نے چاقو مار کر زخمی کر دیا۔

متاثرہ نے کوتوالی پہنچ کر ملزم کے خلاف کارروائی کا مطالبہ کیا ہے۔

انہوں نے بتایا کہ ان کی بیٹی کو دکان پر سلائی کے لئے ریل لینے بھیجا تھا، لڑکی کو تنہا پا کر گاؤں کے ہی ایک نوجوان نے انہیں راستے میں روک لیا اور اس کے ساتھ فحش حرکتیں کرنے لگا۔

دونوں فریق ایک ہی فرقہ اور برادری کے بتائے گئے ہیں، پولیس نے زخمی متاثرہ کو علاج کے لئے مقامی سرکار ہسپتال میں داخل کیا ہے۔

کوتوالی انچارج آنند دیو مشرا نے بتایا کہ یہ معاملہ ان کے علم میں لایا گیا ہے، پولیس جانچ کے بعد ملزم کے خلاف قانونی کارروائی عمل میں لائی جائے گی۔