'اسلام میں کسی مذہب کے بارے میں غلط تبصرہ کرنے کی قطعی اجازت نہیں ہے'

دیوبند کے عالم دین مولانا لطف الرحمان صادق قاسمی نے پریاگ راج کے ہیرا خان کے ذریعہ ہندو دیوی دیوتا اور مذہبی مقامات کو لے کر کئے گئے غلط تبصرہ کی سخت الفاظ میں مذمت کی ہے اور کہا کہ اس میں اس قسم کے تبصروں کی قطعی اجازت نہیں ہے۔

انہوں نے کہا کہ ہم اس کی شدید مذمت کرتے ہیں۔ اسلام میں کبھی بھی اس طرح کے عمل کی اجازت نہیں ہے۔

جامعہ فاطمة الزہرہ اینگلو عربک دیوبند کے مہتمم مولانا لطف الرحمان صادق قاسمی نے کہا کہ 'اسلام اس بات کی اجازت قطعی نہیں دیتا ہے کہ کسی بھی مذہب یا مذہبی پیشواؤں پر غلط تبصرہ کیا جائے یا انہیں برا بھلا کہا جائے۔'

انہوں نے کہا کہ 'ہم اس عمل کی شدید الفاظ میں مذمت کرتے ہیں اور مطالبہ کرتے ہیں اس قسم کے تبصرے کرنے والوں کے خلاف سخت کارروائی کی جائے۔'