بھارت میں تمام مذاہب کے آبا و اجداد ہندو تھے، یوپی کے وزیر کا متنازع بیان

اترپردیش کے پنچایتی راج وزیر چودھری بھوپیندر سنگھ نے متنازع بیان دیتے ہوئے کہا کہ بھارت میں تمام مذاہب کے آبا و اجداد ہندو تھے۔

مرادآباد میڈیا سے بات کرتے ہوئے چودھری بھوپیندر سنگھ نے کہا کہ، 'بھارت میں تمام مذاہب کے آبا و اجداد ہندو تھے اور بھارت میں رہنے والے سبھی لوگ ہندو ہیں۔ چاہے وہ عیسائی ہوں یا مسلم، یہ سب انہیں کے وارث ہیں۔'

یوپی میں مسلمانوں کی آبادی کے حساب سے بی جے پی کو ٹکٹ دینے کے معاملے کے سوال پر انہوں نے کہا کہ، 'یہ پارٹی کی اپنی رائے ہوتی ہے اور پارٹی اپنی جیت کے حساب سے ٹکٹ تقسیم کرتی ہے۔۔ پارٹی لوگوں کو اپنے مطابق ٹکٹ دیتی ہے نا کہ مذہب کی آبادی کے مطابق۔'

مرکزی حکومت میں وزراء کے ردو بدل کے سوال چودھری بھوپیندر سنگھ نے کہا کہ، 'یہ مرکزی حکومت کا فیصلہ ہے۔ وہ کسی بھی وزیر کو ہٹا سکتی ہے اور کسی کو بھی وزیر بنا سکتی ہے۔ یہ ایک سیاسی جماعت کا اپنا فیصلہ ہے۔'