قانونی نظم و نسق کو بہتر بنایا جائے: اے ڈی جی میرٹھ

اے ڈی جی میرٹھ زون پرشانت کمار نے دیوبند میں ہوئے بی جے پی لیڈر دھارا سنگھ کے قتل کا انکشاف کیا تھا، اس کے بعد انہوں نے کلکٹریٹ میں ڈی ایم آلوک کمارپانڈے اور ایس ایس دنیش کمار پی کے ساتھ قانونی نظم و نسق کا جائزہ لیتے ہوئے جرائم کے ریکارڈ کا باریک بینی سے معائنہ کیا

ریاست اتر پردیش کے ضلع سہارنپور کے دو روزہ دورہ پر آئے اے ڈی جی میرٹھ زون نے قانونی نظم و نسق کاجائزہ لیا اور ضلع جیل کا معائنہ بھی کیا۔

گزشتہ روز اے ڈی جی میرٹھ زون پرشانت کمار نے دیوبند میں ہوئے بی جے پی لیڈر دھارا سنگھ کے قتل کا انکشاف کیا تھا، اس کے بعد انہوں نے کلکٹریٹ میں ڈی ایم آلوک کمارپانڈے اور ایس ایس دنیش کمار پی کے ساتھ قانونی نظم و نسق کا جائزہ لیتے ہوئے جرائم کے ریکارڈ کا باریک بینی سے معائنہ کیا۔

انہوں نے کہاکہ ضلع میں ہونے والی چھوٹی چھوٹی وارداتوں پر سختی سے قانونی کارروائی کی جائے۔

اے ڈی جی نے کہا کہ عوامی مسائل کو ترجیحی طورپر حل کیا جائے، گئو کشی پر مکمل طور پر پابندی ہے کسی بھی صورت میں کہیں بھی گئو کشی نہیں ہونی چاہئے۔

انہوں نے کہاکہ قانونی نظم و نسق کو بہتر بنایا جائے، غیر قانونی شراب پر پابندی لگائی جائے، کرائم کرنے والوں پر قانونی کارروائی کی جائے۔

بی جے پی لیڈر چودھری یشپال سنگھ کے قتل انکشاف نہ کئے جانے پر انہوں نے کہاکہ پولیس کی تفتیش جاری ہے، جلدی ہی واقعہ کاانکشاف کردیا جائیگا۔