اترپردیش کے یوم تاسیس پر مدرسہ میں جلسہ

ریاست اترپردیش کے ضلع بہرائچ کے مدرسہ غوثیہ میں اترپردیش یوم تاسیس کے موقع پر جلسے کا اہتمام کیا گیا۔

پروگرام کا آغاز تلاوت قرآن پاک کے ساتھ کیا گیا جس کے بعد مدارس کے بچوں نے نظم و تقریر وغیرہ کے ذریعہ اپنے خیالات پیش کیے۔ ثقافتی پروگرام کے بعد آنے والے مہمانوں نے اترپردیش یوم تاسیس پر اپنے خیالات پیش کیے۔

مہمان خصوصی مدرسہ سکریٹری عظیم اللہ خان نے اس موقع پر بچوں کو تعلیم حاصل کرکے ملک کے سنہرے مستقبل بنانے کا حلف دلایا۔

اترپردیش یوم تاسیس کے موقع پر مدرسہ کے پرنسپل اسرار احمد ادریسی نے کہا کہ 24 جنوری 1950 کو پہلی بار ہماری ریاست کا نام اتر پردیش رکھا گیا۔

اس موقع پر 24 جنوری 2018 کو اس وقت کے گورنر رام نائک کی تحریک اور کوششوں سے ریاستی حکومت نے 24 جنوری کو یوپی کے طور پر منانے کا فیصلہ کیا تھا۔
پروگرام کے اختتام پر ملک میں امن و امان اور ملک کی سلامتی کی دعا کی گئی اور جلسہ میں شریک بچوں کو اعزاز سے نوازا گیا۔

اس موقع پر مدرسہ کے صدر شاکر علی، سکریٹری عظیم اللہ خان، پرنسپل اسرار احمد ادریسی، خزانچی حاجی محمد یاسین، رسول احمد ادریسی، علی احمد خان، حاجی محمد سلیم، زبیر احمد، کاری رجب علی، حافظ اسرار احمد، عرفان خان، رخسار بانو، رخسانہ بانو
صادقہ بیگم، ریشمہ بیگم، کمال احمد، نثار احمد، اصغر علی، رجب علی، عابد خان، بھوری، منّا، پپو، رضوان احمد سمیت والدین کی ایک بڑی تعداد موجود تھی۔