میرٹھ: بے قابو بس حادثے کا شکار، متعدد زخمی

ریاست اترپردیش کے شہر میرٹھ میں شام کے وقت تیز رفتار بے قابو روڈ ویز بس نے درجنوں گاڑیوں میں ٹکر مار جس کی وجہ سے متعدد افراد زخمی ہوئے جبکہ ایک کی حالت تشویشناک بتائی جارہی ہے۔

نوئیڈا سے میرٹھ آرہی روڈو یز بس جب میرٹھ عید گاہ چوراہے کے پاس پہنچی تو ڈرائیور کے قابو سے باہر ہوگئی اور دوسری جانب سے آنے والی درجنوں سواریوں کو ٹکر مار دی۔

اس حادثے میں ایک درجن سے زائد لوگ زخمی ہوئے جنہیں فوری طور پر ہسپتال میں داخل کرایا گیا جس میں ایک کی حالت نازک بتائی جارہی ہے۔

حادثے کے بعد پولیس نے بس ڈرائیور کو گرفتار کر کے آگے کی کارروائی شروع کر دی ہے۔ پولیس نے بتایا کہ بس ڈرائیور نشے کی حالت میں گاڑی چلا رہا تھا۔

حادثے کے بعد دہلی۔دہرادون روڈ پر ٹریفک جام ہوگیا جس کی وجہ سے سواریوں کی آمدورفت میں مشکلات ہوئی۔