بستی میڈیکل کالج کو ایم سی آئی کی منظوری

ریاست اترپردیش کے ضلع بستی کے ہیڈکوارٹر پر واقع بستی میڈیکل کالج کو میڈیکل کونسل آف انڈیا(ایم سی آئی) کی منظوری مل گئی ہے۔

سرکاری ذرائع کے مطابق میڈیکل کونسل آف انڈیا کی جانب سے جاری اترپردیش کے 12میڈیکل کالج کی فہرست میں بستی میڈیکل کالج کا بھی نام شامل ہے۔ ایم سی آئی نے لیٹر آف پرمیشن (ایل او پی) جاری کردیا ہے۔

تعلیمی سیشن2019۔20 کے لئے منظوری دی گئی ہے۔ میڈیکل کالج میں ایم بی بی ایس سال اول میں 100 طلبہ کو داخلہ دیا جائےگا۔ بستی میڈیکل کالج کا مین بلڈنگ صدر بلاک کے رامپور گاؤں میں تعمیر کیا گیا ہے۔